فاهمين عمل الخير غلط EP02

#Ep02‪#‎DeepThinking ‫#‏محتوي_عميق_فشخ

احنا كاشعب فشخنا عمل الخير في افكاره

الشعب المصري فاهم عمل خير غلط  (الحلقة الاولي) :

رمضان راجع من الشغل مع واحد صحبي في عربيته و فاضل نص ساعه علي الفطار و متاخر و الطريق سالك و زي الحلاوه, فاتح شباك العربيه و الجو جميل و بكلم صاحبي و افاجاء بحاجه لبست في وشي و وجه مبتسم علي بعد 5 متر بيقول كل سنه و انت طيب, بيحدف اكياس بلح في العربيات ببراعة قناص مشاء الله و غشوميه منقطعة النظير علشان يكسب ثواب افطار صائم, فا انا قررت انشاء الله اسمم البلح ده و ااكله لحد علشان يشير معايا في الثواب ابن ال&^%&%^&

#‏عندما_يفشخ_الواقع_الخيال

فاهمين عمل الخير غلط EP01

‪#‎DeepThinking ‫#‏محتوي_عميق_فشخ#Ep01

احنا كاشعب فشخنا عمل الخير في افكاره

Ep 01 ::

رمضان و رايح افطر عند عمي, متجه من الدقي إلي فيصل قبل الفطار ب ساعه و الطريق ماشاء الله واقف فشخ و حر و صيام و كل ما تشتهي الانفس, بعد ما استهلكت كل الشتايم الي اعرفها و الي لسه هتعلمها علي الي موقف الطريق اكتشف انهم مجموعه من اهل الخير واقفين في نص الشارع قافلينه و مصرين مشاء الله انهم يفطروا كل الناس و يوزعوا عليهم بلح و عصير, مش مشكله نوقف الطريق ساعه قبل الفطار بس ناخد ثواب. 

‫#‏عندما_يفشخ_الواقع_الخيال

حماده

نهار داخلي, في صالون شقة اسرة ميسورة الحال  مجموعة من اصدقاء والدة حماده جيين علشان يباركولها بمناسبة حصول اخت حماده علي الشهادة الابتدائيه.
حماده 4 سنين قاعد بيلعب علي ال playstatin  بمنتهي البراءة و منسجم في عالمه الخاص
وليه سمجه : ازيك يا حبيبي مصحؤبه بقبله و لم يكن يدري هل هي قبله ام انها تلتهم خده
حماده : (بعد محاولات الهرب من القبله المتوحشة التي بائت بالفشل) الحمد لله
يعود للعب ال playstation و هو يلعن تلك السيده
نفس ذات الوليه سمجه : و حماده بقي شاطر زي اخته ولا ايه.
الام : لا ده لسه في KG1 و لسه بدري علي الكلام ده
نفس ذات الوليه سمجه : عايز تبقي ايه لما تكبر يا حماد
حماده مبتسما كاي سفاح عتيد الجنون ممسكا بسكين التورته : سفاح يا طنط
(دي كانت اخر مره طنط تسأل حماده السؤال ده)
‪#‎BrilliantChild ‪#‎DeepKid #‎LikeAKing

قواعد لابد من الالتزام بها للتعايش

1- يرجي عدم قيادة السياره في حالة وجود #الماما بجانبك

2- لو حصل و تواجدت في العربيه و #الماما معاك و لقيت كلمة "السوق" ظهرت في الحوار يرجي الاتجاه لاقرب مخرج طواريء (مسموح بالقفز من الابواب و النوافذ)

3- لو الموضوع تطور ل "سوق السمك" ممكن تلبس في اقرب عمود نور او سور بضمير مطمئن #likeABaby

4- لو حصل ووصلت السوق متحاولش تفهم المنطق في عملية الشراء و ايه معني شراء الطماطم من 3 اماكن مختلفه

5- سوق بعصبية واتخانق مع كل اللي تقابله ف الطريق كحل سريع لقطع كلام الماما.

6- روح لأقرب كمين و قولوهم أنا إخوان .

7- shopping list is not an option

8- for all those who went with mamy to the market #restInKees 

The worst trip ever (zombie ride)

The worst trip to Suez ever, after finishing 10 hours of work, taking my bags to Ramsis to take a ride to Suez, i found a car 2 remaining seats, that means i won't be waiting for a long time, the weather sucks as it seems like we were boiling in the car and finally the last person came, 10 min after we toke off i was putting my hands-free listening to music and reading something i thought that the day won't suck any more and that's when , the person sitting behind me started releasing all what he can release, seems like he came prepared, coughing, spitting and sneezing not only but he's got that "grave like breath", this man got my hopes low that i was only praying for him not to throw up or start farting all over the place till i leave the car, after reaching Suez it seems like it's been 2 months of torturing, thanks god i got out alive.

Why you will fail to have a great career: Larry Smith at TEDxUW

عن الوضع في مصر اتحدث يا ساده

ام الاخوان علي ام العسكر كلهم كلاب و هما الي وصلونا ل كده, لو كان في طرف واحد بس بيفكر في البلد دي او في الناس الي عايشين فيها, لو بس نظرتنا توسع اكبر من انفسنا بس هنشوف احسن, الطرفين كلاب محدش فيهم صح ولا انا متعاطف مع اي حد فيهم لان هي دي النهاية المتوقعة لمشوار طويل من الكذب و الادعاء و الخداع شويه باسم الدين و شويه عشان نحسس الناس بالامن استغلال في استغلال, حرمة الدم كلها واحده لان مع الاسف الي بيموت من الطرفين مش المسئول عن الي بيحصل دول المنقادين وراه و المضللين او الي بينفذو الاوامر, نفسي نوسع منظورنا للامور و نشيل اعتبارات الشماته و التار و المصالح الشخصيه و نبص مره واحده بس للبلد دي و لانها تستحق ما هو اكثر من هذا الهراء الذي نعيشه.

 عن العسكر:

موقفهم مكملش صح للاخر, و نيتهم كالعاده مشكوك فيها و تصرفاتهم بتاكد كده, و بدات تظهر موجه من التعريض بشعار "و السيسي ميرشحش نفسه ليه" و افشخهم يا سيسي متناسيين انها دايره و هتلف علي الكل, ده الدري الي بننساه باستمرار, مؤيد اليوم معارض الغد فا متديش حد كل .الصلاحيات عشان ميجيش فيوم يفشخك و متلاقيش حاجه تدافع بيها عن نفسك

عن الشعب:

 احنا عندنا ميول كالشعب نحول الملايكه فراعنه, لمشكله ان كل البني ادمين عندهم استعداد فطري يتفرعنو و احنا الي بنديلهم الفرصه دي, يعني نفرض ان السيسي كويس و ملاك بس لو فضلنا ننفخه و نسفه اخطائه و نديله ذياده عن حقه فا طبيعي تاخده الجلاله و يتفرعن دي فطره في البني ادم بس كده

عن الداخليه:

الحديث عن الداخليه ده يطول الكلام فيه, اولا الي مش هنختلف عليه انهم واخدين الموضوع ثار شخصي, المهم بقي انهم اغفلوا ان حتي لو ده ثار فا ده يبقي بينهم و بين رؤوس الجماعه مش مع التابعين و المنساقين و الي بيتم تضليلهم باسم الحرب علي الاسلام.

عن الاخوان:

اما دول بقي فحدث ولا حرج, تشويه للحياة السياسيه, اللعب علي عامل الدين و انهم فرسان الاسلام الذين لولاهم لضاع الدين الذي حماه الله علي مر الزمان, و قدرتهم الغير طبيعية علي غسيل المخ لتابعيهم, المهم ان الاخوه التابعين دول بقي مش عارف مالهم يعني قافلين ودانهم و عنيهم عن الهلس الي القيادات بتعمله باسم الدين حجات الدين منها و من صانعيها بريء.

ملخص القول افيقوا يرحمكم الله...