Thursday, November 22, 2012

عيد ميلادي ف ITI


عيد ميلادي تكاد تكون اهم مناسبه في السنه دا بس لو مكانتش هي موجوده لان وجودها خلي الموضوع ده في المرتبه التانيه, المهم انه لاول مره تقريبا ييجي متناسق كده نسخه طبق الاصل من البوم المشهود 23\11 و يوم جمعه احساس جامد جدا, المهم ان انا النهارده اخر الاسبوع و مفروض اخلص ITI  و اسافر السويس, مش عارف موضوع العيد ميلاد ده كنت مسقطه خالص و الناس عادي و انا اصلا مش مركز, في منتصف اليوم اخدنا بريك طويل علي غير العاده, و نازل انا و صحابي و الاقي نوبي بيحاول اختطافي من وسط الجمع اه نوبي ده صاحبي انتيخ و جاري, و بعد اغرائات سبتهم و مشيت معاه كان بيكلمني في موضوع حيوي و مهم جدا اه حاجه كده تمس الامن العام :D بس بقي يا سيدي و اثناء الحوار الشيق و عشان انا عارف ان نوبي مش بيحور ابدا شكيت فيه بس يعني افتكرت الموضوع عباره عن مقلب مش اكتر, و هنا ظهر جووووووو سديكي فا قلت حلو كده باظ المقلب و جو معايا حمايه يعني, و اتجهنا للوجهة المنشوده وصف المكان بس انه ورا مبني NTI يعني خفي بالنسبالي و انا جي من ITI , اول ما وصلنا مرحلة الدهشة او الغباء انا شايف برجوله و بلاليين و واضح انه احتفال قوم ايه بقي افكر هوا في ايه نحتفل بيه النهارده المهم مش عارف والله رغم اني مفروض يعني ذكي بس برضه مكتشفتش انه عيد ميلادي هو المقصود غير بعد ما الشباب شالوني و هيلاهوبا جنجام ستايل و هوب هوب شقلب و وصلت الارض سالما غانما لقيت الناس عاملينلي احتفال عظيم و تاعبين نفسهم, فاجئوني بقي بسؤال صعب قوي تتمني ايه قبل ما تطفي الشمع الافتراضي :D فا انا قولت شوية قلش كده بس فعلا اتمني ان احنا نفضل صحاب forever علشان انتو بجد صحاب جامدين جدا اه نسيت بقي الاهم التورته كانت تحفه و انا استفردت بالفواكه كلها فا الشخص الي اختار التورته انت فنان اه والله و هفضل ادعيلك كل ما افتكر التفاح الرهيييييييييييب ولا المانجايه بقي مش ممكن و شرايح الانناااااااااااااااااس يا خرابي و الله يا جدعان انا مش مفجوع بس انا ضعيف امام الحلويات ضعيف اوي اوي, و خلال مراسم ذبح التورته الي انا قمت بيها و كانت حسب الشرع طبعا انفردت بقطعه مهولة و بيبسي و طبعا للمزيد من البيبسي اتجهت للرجل المناسب هلالي دا مسئول البيبسي في ITI و بعد معارك مع ناير للفوز بقطعه من التورته الي استفرد بيها لم انل شيئا, الخلاصه انه كان يوم جامد و ناس جامدين و احب اقولهم ميرسي كتييييييييييييييييييييييييييييييير من هنا لبعد بكره و شكرا لكل الي اشترك في الايفنت ده و احب اهدي شكر خاص لماما ساميه و عمو حسن و خالو مدحت في البرازيل و جارتنا الست ام محسن :D



http://www.youtube.com/watch?v=wFh-rX_Sfhs

Thursday, November 8, 2012

محاضرة بشاميل


عندما اشار الدكتور بيده إلي الفراغ قائلا الاهلي بيكسب ليه و انا نازل ادلع املي القلل و اشار إلي طالب اّخر وقال له ولا انا ممكن اوديك ورا الشمس فرد طالب اخر قائلا و ياخد اي حاجه بجنيه و ربع لغاية القمر فاحمر الدكتور علي بعضه مش وشه بس كالعاده و ظل يضحك 3 دقائق و 12 ثانيه و 205 جزء من الثانيه  و بعد ذلك اعتدل قائلا بصرامته الغير معهودة (ههههههههههههههههههههههههههههه) ايه الحلاوه دي طيب بس لازم نكمل المحاضره و استرسل قائلا لقد هزمت الارجنتين الاهلي 298.58/.5 حين فاز الزمالك علي البرازيل 255.258/0 (لانه زملكاوي كوسه يعني) مما ادي إلي احتراق الارز علي البوتاجاز فمات حارس العقار محروقا في حمام سباحه فخري بيه و جاء ظابط الشرطه ليبلغ محسن بيه ان بنت سعادته بخير بعد ما خبطت واحد با لعربيه و انهم عملو الواجب و حبسو المنحرف ده لانه كان ماشي علي الرصيف و سعادتها سايقه العربيه في حين ان ابنه اتمسك بحشيش مع اصدقاء السوء في البلايستيشن لما كانو بيلعبوا كوره في النادي الاهلي في الشرابيه
و اثناء سباحتهم في حمام السباحه الي في بولاق الدكرور سقطة بطيخه علي راس احدهم مما ادي لاصابته بالبرد و التهابات حاده في صباع رجله الصغير فمات ساعي البريد حزنا علي كتاكيت ام محسن التي ماتت بعد ان اكل ابن بنت خال عمة امه الكورنفليكس بالكلور بدلا من اللبن لانه مبيحنش الفول و عاش البطل و البطله بسعاده فوق السطوح الفسيج تحت البدروم مع  to be continued 
ابنهم صميده العبيط.........


Scary story


       It was a long working day so I finished and left the company .I took the car  started driving home when I felt hungry so I stopped by the first restaurant and ordered a pizza I ate in the car and I continued my way home when I reached home I parked the car and while leaving the car I heard a noise I went to see what happened I found the doorman was fainted so I tried to wake him up and when he wake up I asked him what happened he told me that someone came to ask him about an apartment then he was out of conscious so I ran to my apartment and when I opened the door I felt that something is wrong so I opened the rooms door that's when I saw it the room was crowd and everything was upside down I was worried I searched for him everywhere ooooooh no I couldn't find him now I remember I left him in the other room so I ran into the other rooms door and when I opened it the condition wasn't much better than the first room so I ran and searched for him everywhere but when I found him I fall in to the ground no it can't be his limb was teared and his organs was out of their places and it looked like they cut his limbs then stabbed him right in the core it was savage even wild animals couldn't do that it looks like I lost my conscious for a part of the minuet and when I'm conscious again I screamed oh nooooooooooooooooooooooooooooooooooooooo they smashed it into pieces but I won't stay here I'll do something I searched for my phone and called emergency but when they came it was just too late my laptop was completely damaged.




تاني كباية قهوة


بليل ..... يااااااااااااااااه اتاخر اوي النهارده :D دلوقتي زيارة المطبخ, ودا مكان نادرا مابدخله بارادتي الحره إلا في فرص نادره, البوتجاز اهه هناك مكان ماسبته امبارح,  فاضل ايه فاضل ايه فاضل boiler .... لا يا اخي boiler ايه احنا بليلالكنكه اييييييون عشان كباية القهوه بتاعت بليل الي بتظبط الاداء وبتبتدي السهره "اعذروني مدمن كافيين" شايقهوه, Nescafe و الحجات الحلوه دي كلها, يمكن حبي للقهوة خاصة بانواعها  يرجع للذكريات اكتر من اي حاجه تانيه, ذكريات سعيده, مواقف جامده و مضحكه, و عشان ابتديت اصلا اشربها كنوع من التقليد مش اكتر لوالدي "الراجل ده جامد جدا فكروني اعرفكم عليه" كان الموضوع مجرد استكشاف "محسوبكم مغامر بالسليقه"...... يانهااااااااااار ابيض الكلام اخدني و نسيت القهوه علي النار و فارت و بهدلة الدنيا والموضوع ده هيكلفني مهمة خاصة لاعادة الموقد إلي حالته الاصليه :@ ملل بشع هعمل القهوه من الاول "ملووووووول جدا انا      ليه ميعملوش حاجه عسليه كده زي Nescafe بطعم البن و بوش ياااااه احلام .
مشهد داخلي في اوضتي..... حلو جو السينما ده. سريري العزيز, لحافي رفيق دربي في الشتاء القارس, المكتب "وحشني جدا والله متقابلناش من ساعة ما خلصت دراسه يعني زيارات سريعه و خاطفه", التربيزه اللطيفه الي استولت علي دور المكتب :D حبيبتي وشافت مني اصابات ياااامه  و انا بجرب اعمل حاجه جديده او الحم اي حاجه "مخترع اصلييي و اسال في السوق" مفروض ترفع عليا قضية تعويض,  اللاب و الهارد اليو اس بي و عدة الشغل "سماعتي قال ايه حبت تنتحر في المترو بس علي مييييين هصلح امها :D" موضوع السماعه ده بالنوسبالي كبير اوي و معرفش اعيش من غيرها لاني من عشاق المزيكا. المهم ان كباية القهوه منوره القعده دلوقتي الطقوس اكتملت و ممكن ابتدي السهره ..... حاااااسب كنت هنسي شيءمهم جدا ام كلثوم لا تكتمل الطقوس بدونها "رغم اني مكنتش بطيق امكلثوم دي خالص بس حبيتها بسبب الحاج والدي, من كترما بيسمعها و يجيب كتب عنها و عن تاريخ الاغاني والكلمات و مين كتب و مين لحن فا لقيتني بسمعها كنوع من التعود الي قلب بعد كده لحب عن اقتناع و استمتاع رهيب و خاصة بليل"  الي زهق يمشي الموضوع مطول :] .
بما انك وصلت لحد هنا يبقي peace  و في احتمال 60% تصمد و تكمل للاخر. انا و العياز بالله من قولة انا "انا البحرفي احشاءه الدر" متواااااضع جدا اه ومبتكلمش عن نفسي خالص لذلك اقدر اقوللك اني بحب المزيكا و الكمبيوتر و البرمجه و Puzzles "والله من ساعة ما اتعلمت الكلمه دي و نفسي استخدمها ", التكنولوجيا الجديده, موبايلي و laptop و حجات كتير بسيطه و احتمال تكون تافهة بالنسبه للبعض بس بتعنيلي الكثير, مثلا نفسي اعمل ام الدوجلاس بس عندي حته قمه في البواخه من دقني مش بتكمل :@, و حجات تانيه بسيطه بتظبطلي المود وتعدلي يومي “gets my mood up”, انا مخلوق بيتلكك للحب "بحب الحب بذات نفسه          "I luv luv" يعني المفهوم في حد ذاته الحاله المزاجيه و النفسيه الي بتكون فيها لما تكون بتحب يعني بتحس انك طاير, و بتفكر احسن و ال productivityبتاعتك بتزيد, باختصار بتحس وانتا بتعمل الحاجه ان في عامل محفز بتعمل الحاجه دي عشان شخص معين, بس مش اي حد لا, المهم بقي ان في ناس هتقول ممكن تحس بنفس الشيء لما يكون ليك هدف في الحياه, اوممكن تعمل كده عشان بابا و ماما, بس انا بكلمك عن الحته الي جوه القفص في الشمال اييييييون هيا دي الي حست بالكلمتين دول و بتقولك ان عندي حق و ان انت مقتنع بكلامي متحاولش تنكر.الحاله دي الي بتكون فيها لما  الي انتا بتحبه في التليفون و حتي لما  بترخمواعلي بعض في اخرالمكالمه و تقفل و تحسانك مبسوط اوفر دوز و هتطرشق من السعاده, اوعيتكون بتقرا الكلام ده مع خطيبتك :], او لما تكون ماشي في الشارع و تعدي علي مكان يكون ليك فيه زكري حلوه او موقف طريف.


دول فنجانين قهوه و enjoy :D

Sunday, October 28, 2012

عملية الخروف " Operation 5roof "


ساعة الحقيقة "جامده اوي دي" بمعني اخر ساعة اختيار خروف العيد لحظة تاريخية فارقه في حياة كل اسرة مصريه قبل عيد الاضحي ترقب و تربص و استعلامات من الاهل و المعارف و كانك رايح تنفذ عمليه مخابراتيه من الطراز الممتاز تحريات و تحليل, المهم بعد جمع المعلومات و العثور علي المربي "الميم مضمومه" تشكلت قوه من العائله "القوه الضاربه"  و توجهوا الي المربي السالف الذكر, انا و بابا و عمو و اختي و ابن عمتي "مش عارف اختيار خروف ده ولا خطوبه" و ريحين بعربيتين جو اكشن اكشن يعني, المكان "حظيره عاديه جدا من الي بيربوا فيها الحيوانات دي" بعد ما قطعنا الطريق او الطريق هوا الي قطع نفسنا "ليه يا رب المكان الي يختاروه يكون في اخر بلاد المسلمين يمكن عملا بمبدء الشيخ البعيد سره باتع ما كانوا ضغطوا علي نفسهم شويه و جابوه من السودان" المهم استقبلنا راجل ذوق اوي لابس جلابيه زرقا و فتح لنا الحظيره و كانه مثلا بيفتح باب سوييت في شيراتون و ابتسامة فخر بادية علي ثغره, لحظة دخول الحظيرة مسخره "بابا و عمو و ابن عمتي و انا و اختي متشعبطه في دراعي زي ما يكون اول يوم ليها في المدرسه  طبعا الموقف ده بيضطرك انك تثبت و تستحمل الريحه ومتبينش عشان هي معتمده ان انت الهيرو هنا" المهم ان من اول ما دخلنا و في معزه لطيفه مستنصده اختي و مش عايزة تسيبها وراها في اي حته و اختي هتموت من القرف  تهشها ترجع تاني و في لحظه لولبيه تسللت المعزه و استخدمت اختي كمنديل فا بالتبعيه اختي لحد ما رجعنا كانت قرفانه من نفسها و طبعا انا كانسان شهم اقولها عادي و في قرار "نفسي يعععععععععععععععع بقي"  ما علينا نتفرج علي الخرفان بقي حاجه كده اوريجينال خالص ولا كانك في فاشون شو في باريس الراجل جاب خروف لطيف و كيوووووت :D ابيض و بني لطيف خالص بس مينفعش للعيد وا تحطه علي تابلوه العربيه, و هنا بقي اكتشف ان غريزة الانثي المصريه تسللت لاختي لما ابدت رايها, ايه ده يا بابا دا مينفعش خالص و مش هيطلع منه حاجه و اخذت في تحليل وضع الخروف التشريحي "هي اختي امتي بقت تفهم في الجزاره واضح اني بقيت اسافر كتير" الراجل امتعض حبتين و راح جايب لنا واحد تاني ابيض و اسود واضح انه  قديم شويه الخروف التاني ده بقي كان عصبي اوي اوي بس مطابق للمواصفات القياسيه ISO و كمان كان خروف صايع الواد بيحاول يجره راح قاعد علي الارض يابن اللعيبه لا  صايع صايع فا الراجل نده لتامر تكتشف بقي ان تامر ده بلدوزر بشري راح شايل الخروف و انا بقول هيوصلوه دليفري اكيد "ايييييييييييييييه ده انت بتعمل ايييييييييييييه" كان خلاص حطه في شنطة عربيتنا "مفتحتش الشنطه دي لمدة شهرين بعد كده" بس بقي و دبحنا امه بعد ما بهدل شنطة العربيه بس عموما الله يرحمه ارقد في سلام يا مخ اصل اسمه كان مختار :D.


It's Eid baby


تكبيرات صلاة العييييييييييد صوت جميل بيطرب وداني و يخلي روحي فرحانه, و اكتر حاجه بتحسسني بالعيد هي صلاة العيد (بعد 

العيديه طبعا بس هنا ده للترتيب الزمني مش اكتر :D), و لما تقابل الناس الي بتحبهم في الشارع و انتو رايحين مستعجلين عشان 

متتاخروش و وانتو راجعين جو جميل جدا تحس ان الشوارع بتشع بهجة و سعاده و تلاقي الناس ماشيه مبتسمه و فرحانه و هزار و 

تنطيط (الابتسامه الي مبقتش موجوده في الشارع المصري غير في العيد الله يخربيت الي كان السبب), فرصه اقابل اصحابي و 

جيراني الي بتبعدني عنهم الاشغال و مشاكل الحياه و الناس الي مش بتشوفها غير من السنه للسنه في صلاة العيد, الصلاة و الزحمه و 

البرد و الناس واقفه تتدفي ببعضها نسمة البرد  دي تحفه بتخليك منتعش و منتشي و منظر المصلين في الساحه وافقين جمب بعض 

بيعيدوا علي بعض ناس متعرفهاش بتعيد عليك الموضوع ده بيثير جو من الالفه و بيعمل refresh  لاعتقاداتك عن المصريين و زي 

ما تقول بيصنفر سمعتهم الي صدت طول السنه :D , الشيخ بيكبر و احنا بنكبر وراه "الله اكبر الله اكبر لا اله الا الله الله اكبر الله اكبر و 

لله الحمد" شعور عارم بالفرحه الفرحه الطفوليه الفظيعه دي الي بتبقي من الشمخ الجواني :D و بعد الصلاة نتجمع صحاب او عيله و 

نستمشي و نرغي في اي حاجه و احتمال حد يرمي كام ملحوظه بشان الفاتنات الي ماشيين جمبنا :D , احيانا بحس ان الناس بعيدا عن 

مصر مش بتستمتع بالعيد ذينا و لا بيحسوا بالفرحة الي بنحس بيها, احنا شعب فريد من نوعه عشان كده انا بحب البلد دي و الناس الي 

عايشين فيها و عندي امل فيهم مهما قالوا عليهم وواثق ان "بكره احلي".



Tuesday, October 9, 2012

لماذا قمنا بالثوره


انا مش عارف احنا عملنا ثوره عشان نوقع حسني مبارك ولا عشان نقول للغلط لا باي شكل من الاشكال و نغير مفاهيمنا ونستعيد اخترامنا لانفسنا قبل احترام الاخرين, النهارده اتعرضت لموقف خلاني حاسس ان في ناس عايشه في غيبوبه و معندهاش اي نوع من "الدم, الشهامه او ممكن نقول النخوهمن الحجات العاديه الي عند المصريين دي , موقع الحدث "اكاديمية الشروق" كان عندنا  sessionمهم عشان امتحانات ال final و meeting عشان graduation project المهم ان ال session اتاخر شويه حوالي ربع ساعه و انا متجه للبيت قابلت واحده  زميلتي مش لاقيه مواصلات فوقفت معاهاشويه و لما لقيت الموضوع طول و هنبقا لوحدنا في الصحرا, قلت اروح للمسئول عن ال bus بتاع الاكاديميه و شرحتله الموضوع و ان دي بنت بس الشهاده لله الراجل فاجئني  اه فاجئني بتلامه و سماجه من النوع الي تبقي عايز تلزقه علي قفاه منغير اي ذره تردد قالي مينفعش دهbus الاكاديميه و هيا مش مشتركه, اقوله يا استاذ دي بنت و احنا في صحرا لو في مواصلات ما كنا ركبناها يقولي لا, يا عم مفيش اي طريقه ندفع ticket يرد ببرود اكتر لااااااااااااااااااء ادايقت اويييييييييي و كنت هتشل قولت اروح للراس الكبيره العميد المسئول عن الحركه الحاج عبجواد مش عايز اقولكم ولا ليه اي لازمه بعد ما فقعت مشوارمحترم لحد مكتبه و شرحتله الوضع و حضرتك و الجو ده و زي ما حضرتك شايف دي بنت و صحرا وكده يرد بمنتهي النطااااااااعه  ده لازم موافقة رئيس مجلس الاداره اقوله طيب فين سعادته يقولي بمنتهي البديهيه مشي من بدري طبعا ساعتها بقي حسيت بحرقان بشع في حنجرتي بس مسكت  نفسي بالعافيه اعدت افهم فيه يا بيه ممكن تدفع تمن ticket و راسه والف جزمه ابدا مقدرش دي مسئوليه السؤال الي هيجنني بقي الناس دي عندها عمي في قلوبها ولا ايه و دماغهم مقطوعه مفروض انه في اي حته في الدنيا في exceptionsو emergency cases ولاكن علي مييييييين الروتين هوا سيد الموقف

She


She's cute like a jasmine rose in the spring, pretty as a butterfly, when she smiles you can see the whole worked smelling, she's innocent like a child, i like the way she smiles, drink, blink and move, i like every single detail about here, she have a charming eyes, when i look at them i can't see anything else, i can't talk, it's speechless.
while reading this note i recommend u listen to this :: http://www.youtube.com/watch?v=LjhCEhWiKXk "recommended by the someone dear to my heart"

Scratch 2


Boring, this words best description is my life right now, I feel terrible confusion & loos I don’t know what I want (guess you knew by follow that I don’t know how to achieve it), I’m living my life day by day no preparing or organizing for anything what would I lost more than this, searching for a purpose to live for, I don’t think I’ve searched enough, there must be something worthy living for great objectives& noble purposes.

Scratch 1


I think I tried every single method to refresh myself and my mind, ignoring guess it’s effective, I tried ignoring all what’s not directed to me, but not that much that makes it worthy feeling selfish& stupid. Loosing features of my life dropping important details so I don’t recommend ignoring for anyone, shelling : I tried to create a shell around me & allowing just little few People to get through this shell & knowing the real me but I lost many opportunities for good friendships because of this  one, so I don’t recommend it too, you must mix the ingredients very well together to approach the perfect cook in life, a mix of features disadvantages & disadvantages, multi-character mood this is the best we can’t ignore this truth we are all schizophrenic we live with many characters depending on conditions, persons and moods, People agreed to name it schizophrenic if it exceeds some limits like acting differently in  the same conditions under the same circumstances, so you should be like water soft& calm, funny& joyful, strong& angry, you reshape your character under conditions& situations, and gain the flexibility, not that extra flexible that makes u lose your original shape but not tough that may get you to be broken too.  


Monday, October 1, 2012

The Lecture

Setting on a lecture listening to FM radio on my mobile , the doctor is good but he uses poring methods law mono voice tune that let u think that even the end of the world won’t be much worse this man’s methods in torturing students, for other students this leads to deeply quite sleeping (I thought that we may record some lectures for this man and sell them to people who have troubles in sleeping I’m sure that all of their problems will vanish after 2 lectures :D) so as I said I’m not of the sleeping type but although there were something distributing my thoughts and it seemed to be impossible to concentrate then a question popped suddenly on my mind “why we work better under stress ?”(you can study a complete subject in 2 days before the exam no joke) but you’ll never knew, friends are chatting in different subjects so I don’t think I can listen to one single useful sentence of any one my mind is far far away from here and when I’ll be here again, no one 
knows!!!

My Love

Love is a very pure and hopeful feeling. Real love ain’t the crap that some people think about, its 2 pure souls connected to each other feeling, understanding, supporting and sharing sadness and happiness, if one is hurt the other one will feel the pain, if you are depressed you’ll find your partner next to you to support and pack you. When they meet there is a lot of talking but the words just can’t express the eyes do all the talking. When they see each other the passion will be obvious in the eyes, in the words. In every breath they’ll feel that they want to stop the time and live together, they won’t lose time in criticizing, they love every single detail in each other with all mistakes and faults they love each other just like they are. They will be here when one of them is on the edge to hold and prevent the collapsing.

..اول كباية قهوة..



يوم لطيف كنت بايت عند جدتي ايام الخميس و الجمعة دي مقدسه بكون هناك دايما ماعدا ايام الامتحانات, و بيت جدي و ما ادراك يعني المغامرات يعني نص طفولتي تقريبا البيت ده اصلا كله بتاع جدي راجل من برنس اويييي ومنظم جدا و دا كان احد اسباب الخلاف مبينا, اول ما الباب يفتح الاقي جدتي مبتسمه في وشي و بتستقبلني بكل ما لذو طاب, و جدي بيقرا في المصحف و اول ما يشوفني يسيب المصحف و يشيلني, الشكل العام او المشهد الخارجي البيت 4 ادوار و هوا واخد الدور ال3 و ال4 ده حاجه كدا للضيوف و فيه حاجه تقدر تقول Roof, المهم ان علاقتي بجدي مكانتش صحوبيه وكده و دا لانو راجل كبير و "منظم" و بصراحة احيانا كنت بخاف منه لما اشوفه و هوا بيشخط و يزعق, بس الشهاده لله الراجل عمره ما زعقلي و كان زي الفل معايا و مظبطني لعب و عديات بس برضه موضوع الخوف ده فضل معلق معايا شويهلحد ما كبرت شويه  ابتديت احاول اقربله اكتر و اشوف بيحب ايه ((طفل ناصح)) كمان كنت الاقيه رايح اي مكان اروح لازقله سبحان الله بقي كان بيفرح اوي و ننزل الشارع يعد يفتخر بيا حفيده بقي و بقينا نتكلم مع بعض كتير, فرحت اوي بس القدر لم يمهلني كثيرا و ده بظبط بعد ما بقيتا صحاب بسنه واحده تعب جدا و توفي, كنت ساعتها في ثانويه و وفاته كانت بمثابة صدمه لاني كنت لاول مره حد قريب ليا اوي كده يتوفي و احس اني مش هشوفه تاني, حسيت بمشاعر كتير متلخبطه, المهم رحت العزا كان في ناس كتير قوي لان جدي كان راجل خدوم جدا و الناس كلها كانت بتحبه, ووقفت مع خالي في العزا و بعد نهاية العزا قعدناسرحانين شويه و جه الراجل الي بيقدم القهوة و حط قدامنا 3 كبايات كنت انا و بابا وخالي رحت واخد كباية قهوه و شربتها و انا بفكر ازاي هروح بيت جدي و ملاقيهوش هناك, و مين الي هيشيلني و يرميني في الميه لما نكون في المصيف ..

يوم مقطوع



ليلا, النور مقطوع - يااااااااااه - ايه البواخه دي, دهمعناه ان فاضل حوالي ساعه او ساعه و نص علي اللاب, عموما الpower off procedure(اعمل ايه بقي حكم ال career)
المطبخ=> مديت ايدي افتح النور بحكم العاده رغم اني عارف ان النور مقطوع, الشمع الدرج الرابع يمين علي,
كبايه => الرف الاولاني فوق علي الشمال
مpepsi=>التلاجه
اعود و اتلمس طريقي في الظلام الي غرفتي, اشغل اللاب, الويرليس اكيد فاصل مش محتاجه ذكاء, اليوم العسل بيبان من اخره و السهرة النهارده فل .... put i'll survive :D
فولدر الاغاني=> Emy lee - عليها صوت بنت الايه دي. المهم ارزع ال select all و Enter شويه كده و ذلك اللعين بدء يتسلل إلي ((نعمممممم انه الملل)) اعنل ايييييه "لمبه" الMobile => phone book بقلب في الاسماء
=>لا ده مش هكلمه مش طالبه غم و نكد علي المسا
=> ده مش هيرد اصل
=> طب دي, لالالالا مش طالبه Misunderstandiing و ابطل اكلم اي حد تاني, بتحور كل كلامي و تعتبره flirtation- هوا في ناس كده لازم قبل ما تكلمهم تراجع لاكلام 100 مره عشان ميفهموش غلط
=>المهم ان اعز اصدقائي واحد عامل عمليه و مش بيستخدم ال Mobile و التاني في الجيش و اعزصديقه ليا مينفعش اتصل بيها لاعتبارات اجتماعيه.
و اخيرا هيا دي في وقتك, و كان بصيص من النور ظهرلك في نفق مظلم و اتصل و هنا تكون وقعت في الفخخخ و يطلع النور ده المترو جي بسرعه و الي سايق المترو ضرير, no answer و الله يا اخي مش  مستغرب اوي ايون لما تربط ده بشوية تصرفات مؤخرا تستنتج انها فاكره انك معجب او بتنيل تحبها و هيا قال ايه بقي بتتقل عليك ((ليه يا رب مخلقتنيش انسان صادم و في رواية اخري قليل الذوق و ممكن اصدم الناس عادي)) طبعا انا معترف ان وسامتي الخارقه و ذكائي الغير عادي و منصبي الفتيء ليه دور في الموضوع ده "2lsh" و من التجربه دي تكتشف ان في خلط رهييييب عندنا بين عدة مفاهيم "flertattion- friendship" مفاهيم مدمره و ضايعه و محتاجه صيانه او استبدال مبين اي حاجتين في اخرهم ship, المهم اني اكتشفت حقيقه مريعه كنت مخبيها علي نفسي من زمان الا و هي ان انا محتاج اعيد ترتيب علاقاتي الاجتماعيه و الphonebook بتاع الموبايل و اظبط دوايري الاجتماعيه افلتر الناس الي اعرفها حاجه كده زي google circles.

قصيدة العاشق الالاش


يا ولدي انا شاعر مغوار
اتنقل بين الاسفار
ابحث ليل وراء نهار
عن مزه ولكن احتار
فبنات حوا بالذات
حلاوتهن في اذدياد
لكن بيني و الياس عداء
و عذابي في الحب فداء
كي اجد المزه المحظوظه
نجلس في ال cafe  و نشرب الكازوزه
فيقول لي : يا صاحبي انت عبيط
تبحث عن كرنب بين قرنبيط
فلا تجد إلا البيض و الصميط
فاقول لا لست عبيط
انا ابحث لاكون سعيد
ابحث عن عود الكبريت
يحمل شعلة حب جديد
فالحب يا Mr.Tl3t هو زادي و في دربي رفيق
الحب الصادق يا ولدي
مش حبة ورد و دباديب
و هنا يصمت Mr.Tl3t وهلة
يلتفت و يقول سهلة

حبيبتي

                                                             ح ب ي ب ت ي حروف مبعثره

او يا من كنت حبيبتي
اجلس مع عقلي لنفكر
اتسائل من قد يتصور
فالمشهد حقا -دوما- يتكرر (لا يعقل)
و الوضع يبدو لا يعقل
فجلست ابعثر اوراقي
و اقلب دفتر ذكراتي
اتذكر موقفنا الباقي
باقا بثنايا ذاكرتي
فانا قطعا لم انساكي و لن انساكي
فاخذت ادندن الحانا
و الملم من حولي حروفا
و اكون منها كلمات
قد ابني بالجمل قصورا
لكن قصوري ناقصة
و تظل حروفي مبعثرة
ح ب ي ب ت ي